Կանայք վիժման մեջ իրենց են մեղադրում. news.am

Վիժելու հետևանքով երեխա կորցրած կանայք տեղի ունեցածի մեջ մեղադրում են իրենց, նշում Albert Einstein College of Medicine of Yeshiva University-ի և Montefiore Health System-ի գիտնականները:

Ինչպես ցույց է տալիս Obstetrics and Gynecology ամսագրում լույս տեսած նրանց հետազոտությունը, շատ կանայք մտածում են, որ երեխա են կորցրել սթրեսի կամ սեփական սխալների պատճառով: Արդյունքում այդ կանայք շատ են տառապում:

Իրականում բոլոր վիժումների 60 տոկոսը  պտղի գենետիկական խնդիրների հետևանք է: Բացի այդ՝ վիժումն այդքան էլ հազվադեպ երևույթ չէ, դրանով է ավարտվում հղիությունների 25 տոկոսը: Վիժման վտանգը, բժշկի խոսքով, սովորաբար կապված չէ կնոջ էմոցիոնալ վիճակից:

«Մարդկանց մեծ մասը վիժումը համարում են շատ հազվադեպ ինչ-որ մի երևույթ՝ չնայած նրան, որ սա ամենատարածված բարդությունն է հղիության ժամանակ, - նշում է հետազոտության հեղինակ Զև Ուիլյամսը, - այդ պատճառով, երբ կինը վիժում է, նա մեկուսացվում է մնացածներից, ինքնամփոփ դառնում, սկսում մեղադրել ինքն իրեն: Իրականում նա պետք է շփվի մասնագետների հետ, պետք է ստանա մտերիմների ու հարազատների աջակցությունը»:

Հարցեր, պատասխաններ, մեկնաբանություններ